Mensajen kona ba covid-19
Iha tempu ne'e nia laran, iha pandemia corona virus nian, ha'u rona lian no revelasaun ne'ebe dehan: "God is our last hope" ka "Maromak mak ita nia esperansa ikus." Iha momentu ne'e nia laran ema monu, ema hotu, matenek no mos be'ik. Ha'u sente hanesan Maromak revela mai ha'u ba mundu katak molok mundu hatene tuir nia frakeza katak (Umanidade la bele moris ho nia-an rasik), nia presija Maromak no simu Nia ezistensia hodi haraik-an no arepende, hodi tanis no husu perdaun, hanesan iha tempu profeta Jonas ba fo hatete ba povu to'o liurai iha sidade Nìnive laran tomak.
Nune'e ita mos tenke halo nune'e hanesan iha tempu ne'eba. Ema tenke arepende se lae, Maromak sei la hapara virus ne'e. Tanba ema komesa foti-an liu ona no depende ba nia matenek rasik. Ema haluha mundu ne'e se nia no se mak kria, to'o ema balun mak hasees-an husi fiar iha Kristu. Maibè Maromak mos loke ema barak nia fuan hodi fiar no besik fali ba Nia.
Ne'e mak tempu ne'ebe Inan Virjen hatudu no fo hanoin mai ita: Ita tenke halo raparasaun no sakrifìsiu bei-beik ba mundu no ema barak nia salvasaun, no ba sira ne'ebe hasees-an husi Na'i.
Ita ne'ebe fiar metin, ita sei la bo'ok husi virus ne'e, maibe ita sei fihir de'it nia semo ba mai no hakat ba mai, hodi da'et ema seluk no oho sira seluk, maibe ita sei hetan salvasaun tan domin husi Maromak, tan ita fiar iha Nia domin no manta santu Inan virjen nian ne'ebe hafalun ita husi aat virus ne'e. Hodi nune'e Igreja Universal hahù husi Roma, Amu Papa no mundu tomak, liu-liu bispu no padre sira atu fo hanoin sarani sira atu reza no arepende, mundu tenke arepende se lae aat liu tan sei mai. Maibe ne'e Amo Papa husu bebe'ik ona ba mundu atu AREPENDE,maibe maneira ne'e la efisiente nafatin, nune'e ema hotu iha konsiensia rasik atu deside hodi halo di'ak ka aat, arepende ka kontinua halo sala no fiar iha Kristu ka Diadu.
Halo sakrifìsiu maun-alin sira, la'os atu virus ne'e para, maibe atu ema barak arepende no tau fiar iha Kristu ne'ebe mak dalan ba moris rohan la'ek. Amen.
Hofoin mak virus ne'e sei lakon, naroman sei mosu no salvasaun sei to'o. Hanoin hetan ba katak loron ikus ne'e la do'ok, besik ona.
